ನಿರೀಕ್ಷೆ

> ನಿರೀಕ್ಷೆ
> ~~~~~~
> ಕೊಡವದಿರಿ ನನ್ನ. ದುಪ್ಪಟೆಯನ್ನು  ಅದರಲ್ಲಿ
> ರಾತ್ರಿ ಹೆಣೆದ ಕನಸುಗಳ ರಾಶಿ ಇದೆ
> ಚೆಲ್ಲಿ ಛಿದ್ರವಾಗಿ ನಲುಗಿ ಹೋಗುತ್ತವೆ
> ಅವು ಭಾವದ ಕಾವಿನಲ್ಲಿ
> ಕಂಗಳ ಗೂಡಿನೊಳಗೆ
> ಕಣ್ತೆರೆಯುವ ಹಸಿ ಕನಸುಗಳು
>
> ಕೊಲ್ಲದಿರಿ ಕೊಡವದಿರಿ ಜೋರಾಗಿ, ಜೋಕೆ ಜಾರಿ ಹೋಗಿ,ಬರದಿರಬಹುದು ಮತ್ತೆ
> ಬಿಟ್ಟು  ಹೋದ ಈ ಗೂಡಿನೊಳಗೆ
> ಧೂಳಿದ್ದರೇನು ಆ ಧೂಳಿನ ತುಂಬಾ ನನ್ನ.
> ಕನಸುಗಳ ಕಂಪು ಹರಡಿದೆ
>
> ಚೆಲ್ಲಿದ ಕನಸುಗಳನ್ನು  ಒಟ್ಟು  ಮಾಡಿ ಮನದ ಮೂಲೆಯಲ್ಲಿ ರಾಶಿ ಹಾಕಿ
> ಮತ್ತೆ ರಾತ್ರಿಯ. ತಂಪಿನಲ್ಲಿ
> ಕಾವು ಕೊಡುತ್ತೆನೆ
> ಬೆಚ್ಚಗಿಡುತೇನೆ ಜೋಪಾನ
> ಮಾಡುತೇನೆ
>
> ಮಧ್ಯರಾತ್ರಿಯ ಮಬ್ಬುಗತ್ತಲಿನ ಮಡಿಲಲ್ಲಿ
> ಚುಕ್ಕಿಗಳ. ಹೊಳಪನ್ನು  ನಾಚಿಸುವಂತೆ
> ಕಣ್ಣು  ಬಿಡಬಹುದು ಒಮ್ಮೆ
> ನನ್ನ. ಈ ಕನಸ್ಸುಗಳು
> ಎಂಬ ನಿರೀಕ್ಷೆ ಯಲ್ಲಿ.
> ....
> ಆಸಾದೀಪಾ